Covid-19 vangin cricketer thi

India opener hlui Chetan Chauhan chu nimin khan Covid-19 vangin a thi. Kum 1961 leh 1981 inkar khan Chauhan hian India tan Tests match vawi 40 leh ODI vawi sarih a khel hman.

Kum 73 mi Chauhan hi July 12 khan coronavirus a vei avangin Sanjay Gandhi PGI Hospital, Lucknow-ah dahluh a ni. Delhi & Districts Cricket Association (DDCA) hruaitute chuan nimin zing khan a kal (kidney) in hna a thawh loh thu an sawi a, tlai lamah a thih thu an puang.

Chauhan hian DDCA-ah hian president, vice-president, secretary leh chief selector hna a chelh a tawh a, kum 1981 khan Arjuna Award a dawng. Test cricketer zingah century siam lo a, Test career-a run 2000 siam tling thei hmasa ber a ni a. Cricket a chawlhsan hnu hian politics-ah inhmangin BJP member a ni a, 1991 leh 1998 inkar khan Amroha aṭangin Lok Sabha member atan an thlan tling.