Champion lai Canada an tla

Davis Cup quarterfinal an khel ṭan a, champion lai Canada chu rinkai lo zawk Finland lakah chak loin an zinkawng a tawp. Thawhlehni zan khan a thiam pali zinga tel turin Finland hian best of three match chu 2-1 in an la.

Malaga, Spain-a inkhelah Canada tan Milos Raonic a inlan, ram tan kum nga hnuah Davis Cup a khel ve leh chauh. Wimbledon final pawh khel tawhtu hian Patrick Kaukovalta chu 6-3, 7-5 a hnehin an ram chu 1-0 in hma a hruaipui.

Mahse, singles match khelh zuinaah Finland tlangval Otto Virtanen chuan Gabriel Diallo chu 6-4, 7-5 a hneh ve thungin, ram pahnih hi 1-1 in an intluktawk ta chiah a, doubles hmangin a tlang tur zawk chinfel a ngai.

Inkhel pawimawhah Virtanen leh Harri Heliovaara te ṭangdun chuan Alexis Galarneau leh Vasek Pospisil te chu 7-5, 6-3 a hnehin semifinal an invaw kai a, an match lehpekah chuan season hmasa pahnihna Australia leh Czech Republic inkhela chak zawk an hmachhawn leh ang.

Davis Cup hi mipa tennis team hmanga inelna a ni a, ngaihhlut pawh a hlawh ṭhin hle. Serbia, Great Britain, Czech Republic, Australia, Italy leh Netherlands te pawhin quarterfinal hi an lut a, nizan khan quarterfinal match ṭhenkhat hi khelh chhunzawm a ni.