Chawnpui, Zemabawk N leh Kanan an chak

Mizoram Football Association leh Tlangnuam Games & Sports Association buatsaih D. Buanga & Sons Inter Village Futsal Tournament 2023-ah Chawnpui, Zemabawk North leh Kanan ten quarterfinal an lut. Zanin hian last 16 khelh zawh a ni ang.

Last 16-ah match hnih chauh khelh tur a awm tawh a, Saikhamakawn leh Venghlui te zan dar 6:00-ah an inkhel dawn. Entu tamna tur inkhel erawh Tlangnuam leh Electric Veng te inkhel tur hi a ni.

Tlangnuam hi inelna thlengtu an ni a, an team a ṭhat bawk avangin zanin pawh mipui an phur leh khawp ang. Electric Veng erawh fotball thiam veng tia sawi ṭhin an ni a, tunah chuan futsal thiam veng tih an ni leh tawh - MFA Futsal League thlenga champion thei an ni ve thung.