Premier League player tan inhliam a hlauhawm

English top flight league khelh chhunzawm tuma ruahmanna kal mek karah chanchin lawmawm lo hriat tur a awm ve zel a, zirchianna thar ber aṭanga a lan dan chuan Premier League khelh chhunzawm a nih hunah player-te chuan a hma zawng aiin inhliamna chance 25% in an nei sang zawk. 

Premier League khelh chhunzawm a nih theih nan hian Project Restart chu buaipui mek a ni a, June 20-ah khelh chhunzawm theih beisei a ni. 

Artificial intelligence platform Zone7-in an zirchianna aṭanga a lan dan chuan ni 30 chhunga match riat vel khelh chuan 25%-in hliam neihna chance a sang - hei hi ni 30 chhunga match li aṭanga match nga thleng khelh nena khaikhin chunga zirchian a ni.

Premier League club-te tan fixture tawt ringawt chu buaina tur a ni lo - mimala training an neih aṭanga group training an neih inkar tawt lutuk hi buaina a tling a, hemi chungchang hi Watford manager Nigel Pearson leh Newcastle boss Steve Bruce-te chuan an lo sawi tawh.