Goal khung ṭhulh lo Son

Tun season Premier League-a goal riat khung tawhtu Son Heung-min-a'n international break-ah pawh goal khung a ṭhulh lo a, South Korea tan goal hnih khungin, World Cup 2026 qualifier-ah 3-0 in China an hneh.

Jurgen Klinsmann enkawl South Korea hian Ningani khan Singapore chu 5-0 ngawtin an sawp a, World Cup 2026 (Asia) qualifier group C inkhelah Thawhlehni zan khan China lakah goal chhuah loin an chak nawn.

Shenzhen khawpuia mipui 40,000 chuang hmaah, minute 11-na lekah Wolves forward Hwang Hee-chan chuan penalty a hlawh chhuak a, Tottenham captain Son hian China goalkeeper Yan Junling tana dan rual lohin goal-ah a chantir.

Kum 31 mi Son hian a duhtawk mai lo - minute 45-naah South Korea fan-ten hahdam taka chawlhlawk an hman theih nan an goal hnihna a tauh lut a, Premier League-ah pawh forward langsar ni phak ven loha dahtu China tlarhnungte dem theih an ni.

South Korea leh Son-a'n an la duhtawk mai lo - minute 87-naah Jung Seung-hyun chuan chak nemnghehna goal a tauh lut a, goal hnih khungtu Son-a siamsak a ni.