Gavi thlakna tur an awm lo - Deco

Barcelona midfielder Gavi chu an ram Spain tana a inkhelhnaah a khupah hliam a tuar a, tun season-ah a inlan dawn tawh lo. Catalan club director Deco chuan Gavi thlakna tur player an awm loh thu a sawi.

Barca midfielder hlui Deco chuan, "Gavi thlak hi thil theih a ni lo. Player lei theih zingah Gavi rilru put hmang pu leh theihna nei hi an awm lo. Gavi thlakna tur hi an awm loh avangin a thlakna tur chungchang sawi hi a atthlak. January-ah a thlakna tur kan hmu lo ang," tiin a sawi.

La Liga champion lai Barcelona hian season bul an ṭan ṭha tawk lo a, league-ah Girona (34 pts) leh Real Madrid (32 pts) hnuaiah an awm mek. Catalan club hian November 25, Inrinni zan dar 25 hian Rayo Vallecano an tlawh ang.