Germany ka enkawl hi ka inchhir lo - Nagelsmann

Germany-in Julian Nagelsmann hnuaiah match zawnin an chak lo a, match li an khelhah vawi khat chauh an chak.

Bayern Munich manager hlui Nagelsmann chuan, "Germany coach hna chelh tura thutlukna ka siam hi ka inchhir lo. Kan ṭhat dan ber kan zawng ang a, kan harsatna aṭanga talchhuah ngei kan tum ang.

"Pawi ka ti a, kan la beidawng lo. Chak loh hi hrehawm kan ti a, tunah chuan ṭawng tlem a, khelmualah thawh tam a ngai," tiin a sawi.

Germany hian November thla friendly match-ah Turkey leh Austria te an hneh lo a, Euro 2024 thlengtu tur an nih avangin Nagelsmann hote hian pressure an ngah tawh hle.