Euro 2024 Playoff draw neih a ni

Nimin khan UEFA chuan Nyon, Switzerland-ah Euro 2024 khel tur playoff khel tur draw neih a ni a, playoff hi March 21-26, 2024-ah khelh tur a ni. Euro 2024-ah hian team 24 an tel dawn a, inelna thlengtu Germany bakah Euro qualifying round aṭangin tling 20 te chu an tling tawh.

Hmunruak pathum chu playoff hmanga zawn tur a ni a, Nations League-a an chet ṭhat dan a zirin playoff khel tur hi zawn a ni a; playoff leh Euro qualifying round hian inzawmna an nei lo.

Path A aṭangin team khat a tling ang a, chumi awmzia chu Robert Lewandowski awmna Poland leh Wales te zinga pakhat chu an tla dawn tih a chiang tawh. Path B leh Path C aṭangin team khat ve ve an tling leh ang.