Pep-a season hnuhnung pasarih

Bayern Munich leh Manchester City-in Champions League nomawi duhin Pep Guardiola an lalut a, Spanish manager hnuaiah an duh ang an hlawh chhuak lo.

Bayern hian UCL semifinal vawi thum an thleng a, Spanish club lian pathum Real Madrid, Barcelona leh Atletico Madrid te an hneh lo. Manchester City erawhin vawi li UCL an khelhah vawi khat mah semifinal an la thleng lo.

Pep Guardiola enkawl Man City hian 2016-17 season khan last 16-ah Monaco an hneh lo a; inelna hnuhnung pathumah quarterfinal-ah an tla vek a, Liverpool, Spurs leh Lyon lakah an tlawm. Pep-a'n Bayern a enkawl lai hian player lak nan pound maktaduai 188.3 an hmang a, an player manto ber chu pound maktaduai 34.1 man Arturo Vidal leh Mario Gotze te an ni. Chutihrualin free transfer-in Robert Lewandowski an lalut.

Spanish manager hian Man City-ah sum a hmang nasa lehzual. English club-in player ṭha lak nan pound maktaduai 703.4 zet an seng, player manto pawh a la nual. Rodri Hernandez (£63m), Riyad Mahrez (£62.6m), Ayeric Laporte (£60m), Benjain Mendy (£53m), John Stones (£51.3m), Kyle Walker (£47m), Leroy Sane (£46.1m) leh Bernardo Silva (£46m) te chu pound maktaduai 40 chunglam man a ni.

Chutihrualin Pep hian a bul ṭanna Barcelona chu vawi hnih a champion pui a, Catalan club a enkawl lai hian player lak luh nan pound maktaduai 315.1 a hmang. Spanish manager hian a career-ah player lakluh nan tluklehdingawn 1.2 zet a hmang tawh a ni.