Zaninah Electric Vs Dinthar

D. Buanga & Sons Inter Village Futsal Tournament 2023 quarterfinal chu nizan aṭang khan khelh ṭan a ni a, zaninah semifinal khel tur a hriat kim ang. Inelna hi Mizoram Football Association Tlangnuam Games & Sports Association buatsaih a ni a, LPS Vision-ah live a ni dawn.

Kum 10 liam ta khan Mizoramin futsal a la hmelhriat lo a, khatih laia football thiam veng tia sawi chu Electric Veng leh Dinthar te an ni. Kum 2010 khan Electric Veng chuan Red Ribbon Football-ah Dinthar chu 2-0 a hnehin an champion.

Zanin hian Electric Veng leh Dinthar te an inkhel leh dawn a, an khelh tur erawh football ni loin futsal a ni tawh dawn thung. Electric Veng tan football-a an innghahna ṭhin Lalhlimpuia (Tata) chu futsal-ah pawh player pawimawh a la ni zel a, Dinthar lamin Samuel Laltlanthanga an la kawl a, veng lian pahnih inkhel hi a hmuhnawm ngei beisei a ni.