German ral a lian Bayern 8 - 2 Barca

Bayern Munich-in Zirtawpni zan khan zahngaihna tel loin Lionel Messi telna Barcelona chu 8-2 in an sawp. Hansi Flick-a hoin Bavarians-in Champions League semifinal an lut a, Lyon nen March 19, Nilaini zanah final khel tur an zawng ang.

Bayern tan hian Thomas Muller leh Phillippe Coutinho ten goal hnih ve ve an khung a; Ivan Perisic, Serge Gnabry, Joshua Kimmich leh Robert Lewandowski ten goal khat ṭheuh an khung. Catalan club goal hnih hi Bayern defender David Alaba-a'n an lama a tihluh leh second half-a Luis Suarez-a khung a ni. Barcelona an mualpho a, Messi meuh pawhin German ral lian laka a chak loh avangin inkhelh lai leh inkhelh zawhah zahna kawn an zawh.

Bayern Munich tan erawh zan duhawm bik a ni a, 1990/91 Champions League last 16-a Real Madrid-in FC Wacker Innsbruck an sawp hnua UCL knockout-a insawp lehna nasa ber a ni. Real Madrid-in an sawp Innsbruck erawh Austrian club a ni a, Bavarians sawp erawh Messi telna Barcelona a ni thung. Germany-in 2014 World Cup semifinal-a inelna thlengtu Brazil 7-1 an sawp ṭum nen huang khatah a dah theih a, Belo Horizonte-a goal hmahruai khungtu Muller a ropui nawn.