A thiam pali chauh an dam tawh

D. Buanga & Sons Inter Village Futsal Tournament 2023-ah semifinal khel tur a hriat tawh a; Chawnpui, Sihphir Venghlun, Ramhlun Vengthar leh Electric Veng te chauh an dam tawh a, futsal thiam veng vek an ni. Mizoram Football Association leh Tlangnuam Games & Sports Association buatsaih futsal inelna hi LPS Vision-ah tihchhuah ṭhin a ni.

November 24, Zir-tawpni khan Chawnpuiin Zemabawk North 6-3 in an hneh a, Kanan hnehtu Ramhlun Vengthar nen semifinal-ah an inhmachhawn ang. Chawnpui an ṭha a, Ramhlun Vengthar buk a la rit zawk. Sihphir Venghlunin Venghlui an hneh a, inkhel ngaihven hlawhah Electric Vengin Dinthar A 6-1 ngawtin an sawp. Electric Vengin khelh dan nghet an nei a, Sihphir Venghlun lakah erawh team nem zawka ngaih an ni thung.