Mizo boxer Dinga a chak lo

Inrinni khan Lalding-liana'n WBC Asia super bantamweight title a chuh a, beiseina sang tak nei mah se round 10 an inhnek hnuah Thattana Luangphon lakah Dinga hi unanimous decision-in a vanduai.

Suamlum Night Bazaar, Bangkok-ah kum 24 mi Dinga'n boxing a khelh chhunga inhnek lian leh pawimawh bera ngaih a hmachhawn a, round 8-naah champion lai Chainoi Worawut hi a hnek tlu teuh hle.

Mahse, Mizo tlangval hian chet fuh lohna leh tih ṭhat tawk loh erawh a nei ve tho bawk. Thai number one hi judge pathumin 96-94, 96-94, 96-94-in round ruk an chaktir vek a, WBC Asia super bantamweight title a humhim.