Alisson a inhliam

Liverpool goalkeeper Alisson chu Manchester City nen 1-1 a an inhnehtawk ṭumin a malpuiah hliam a tuar a, kar nga chhung chawl thei dinhmunah a ding.

Krismas leh kumthar vuakvetah inkhel a tam ṭhin a, Alisson hi kar nga chhung a chawl a nih chuan match pawimawh a inlan thei dawn lo. Jurgen Klopp-a kaihhruai Reds hian kumin chhungin match kua an la khel dawn a, chung zingah Manchester United (December 17), West Ham (League Cup quarterfinal) leh Arsenal (December 23) te pawh a tel.

Liverpool hian Alisson thachhang dawl tur hian Caoimhín Kelleher an nei a, kum 25 mi Irish keeper Kelleher hi tun season Premier League-ah la inlan lo mah se League Cup leh Europa League-a a inlan zat belhkhawm chu vawi nga a ni.