Goal sarih luhnaah Neroca dingchang

Nimin I League inkhelah Neroca-in Delhi FC chu 4-3 in an hneh a, goal ruk hi minute 70 hnu lama lut a ni. Namdhari Stadium, Ludhiana-a inkhelah Neroca-in first half-ah Tangva Ragui hmangin an khung a, minute 70 hnuah Balwinder Singh, Lourembam David Singh leh Aniket Panchal te hmangin an khung belh.

Manipur club hi nuam sa taka chak inbeisei mah se Delhi-in Aroldo da Silva Arruda hmangin si phurh an sut ṭhen a, Sérgio Barboza hmanga goal hnih khung lehin 4-3 a ni. Injury time an pek belh tam avangin Neroca an talbuai a, amaherawhchu Delhi-in goal dang an khung belh tawh lo a, Manipur club-in point thum hlu tak an hlawh chhuak.