Hma-hruaitu inchuhna City vs Leipzig

Zanin dar 1:30 hian Manchester City-in RB Leipzig an mikhual dawn. English champion leh German club te hi kumin UEFA Champions League-ah an che ṭha a, knockout stage an lut chiang tawh. Mahse, zanin inkhel hi pakhatna dinhmun hriltu a nih dawn avangin last 16-a team nem zawk hmachhawn theih nan chak a pawimawh ang.

UEFA hnuai inelnaah hian head to head en a ni a, Man City hi khualmualah 3-1 a an chak tawh avangin an dinhmun a ṭha. Pep Guardiola hote tan hmahruaitu ni turin point khat hmuh a tawk. Chutihrualin City hi point khatah an lungawi dawn lo a, Liverpool nen an inhnehtawk hnuah an mualah chak ngei an tum dawn.

City midfielder pawimawh Kevin De Bruyne chuan Abu Dhabi-ah Formula 1 a thlir a, Belgian midfielder hi inhliam vangin a chawl mek. KDB chuan January thla ṭanga kir theih a beisei thu a sawi a, City tan chanchin lawmawm a ni ngei ang.