Highlander leh Bengaluru inhnehtawk

Indian Super League inkhelah Pathianni zan khan NorthEast United chuan Bengaluru an mikhual a, team pahnih hi 1-1 a inhnehtawkin an ṭin.

Minute 36-na lekah Highlander goalkeeper Mirshad Michu chuan penalty a chawi a, Bengaluru tan striker chhuanvawr Sunil Chhetri chuan goal-ah a chantir.

Mahse, Highlander hian chawlhlawk hman a nih hmain si phurh an sut hman a, first half hun pek belhah Bengaluru defender Aleksandar Jovanovic chuan an lamah a tilut - hun tawp thlengin goal dang a lut lo a, 1-1 in an ṭin.

Nizan ISL inkhelah FC Goa leh Jamshedpur inkhelin, result kan hre hman lo a, zaninah erawh match a awm lo ang.