India-in Australia an sawp

ODI Cricket World Cup final-ah India-in Australia an hneh lo a, T20-ah erawh Men in Blue hi a zawnin vawi hnih an chak ta. Pathianni zan khan Greenfield Stadium, Trivandrum-ah team pahnih hi a inkhel a, India hi 44 runs-in an chak. Zanin dar 7:00 hian Barsapara Stadium, Guwahati-ah an inkhel leh ang.

Ṭhumvawra vannei Australia-in vawm hmasak an thlang. India opener Ruturaj Gaikwad (58) leh Yashasvi Jaiswal (53) bakah battling line up-a pathumna Ishan Kishan (52) ten half century an siam vek a, over 20-ah 235 runs an vaw chhuak hial.

T20-ah chuan India target chhawp chhuah hi a tam bawk a, Australia tan pawh umphak chi a ni lo. Middle order-a awm Marcus Stoinis (45), Tim David (37) leh Matthew Wade (42*) te che ṭhatna chu chakna tham a ni lo a, mualphona hliah khuhna chauh a ni.