Pa entawn tlak Ronaldo

Al Nassr chuan Thawhṭanni zan khan AFC Champions League-ah Iranian club Persepolis FC nen goal awm loin an inhnehtawk a, hemi ṭum hian Cristiano Ronaldo chuan nungchang mawi a lantir.

Kum 38 mi Ronaldo hi minute hnihna lekah Iranian midfielder Soroush Rafiei-a'n box chhungah a titlu a, referee Ma Ning-a'n penalty a pe. Ronaldo hian Chinese referee hi penalty a nih loh thu a hrilh a, referee hian mual sira monitor a en hnuah penalty hi hnukkir.

VAR leh Ronaldo rinawmna hmangin Persepolis FC an him a, team pahnihin point khat ve ve an hmu. Al Nassr hian point 13 hmuin group hmharuaitu an ni a, Persepolis hian point riat hmuin pahnihnaa awm chungin knockout stage an lut ve bawk.

Kum 38 mi Ronaldo hian season ṭha tak a hmang a, Saudi Pro League-ah match 13 aṭangin goal 15 a khung tawh. Inelna hrang hrangah match 25 aṭangin goal 24 a khung tawh bawk a, a kum zat thlir tel loh pawhin a goal khung zat hi inchhuanna tham a tling.