Match Observer atan Zosangliana

India cricket team leh Asuatrlia te chuan nizan khan Barsapara Cricket Stadium, Guwahati-ah T20 international an khel, he hunah hian Mizo pa Zosangliana, Armed Veng chu match observer atan ruat a ni.

Cricket Association of Mizoram (CAM) aṭangin general secretary kalchhuak ta Mamon Majumder leh tuna president ni mek Lalrochuanga Pachuau ten international match an lo enkawl tawh a. Zosangliana hi a pathumna tur a ni ang.

CAM chuan thuchhuah siamin, India rama cricket thuneitu sang ber Board of Control for Cricket in India (BCCI)-in CAM mi leh sate a ring zo chu lawmawm an ti a, international match meuh a enkawl tir ṭhin chu an lawm takzet tih an sawi.