FIBA Asia Medical-ah Dr. Lalrinawma Hnamte an ruat

Mizoram Basketball Association (MBBA) senior vice president leh Basketball Federation of India (BFI) vice president ni bawk Dr. Lalrinawma Hnamte chu FIBA Asia Medical Committee-ah ruat a ni.

Khawvela Basketball thuneitu sang ber, Federation Internationale De Basketball (FIBA) hnuaia Asia khawmualpui enkawltu FIBA Asia Medical Committee-ah a vawi khat nana Mizo an awm chu MBBA chuan an chhuang takzet tih an sawi a, hna ṭha taka a thawh theih nan leh Mizoram ti hmingṭhatu a nih theih nan duhsakna sang ber an hlan bawk.