Root-a'n Stokes hnung a zui

England Test captain Ben Stokes-a'n Indian Premier League a khelh loh tur thu a tihchian hnuah Joe Root pawhin a hmalam hun thlirin tel loh a thlang zawk.

Kum 32 mi Root hian season liam ta khan Rajasthan Royals tan vawi thum a khel a, vawi khat chauh a bat hman. Root-a'n IPL a khelh loh chhan hi fitness a ngaih pawimawh bakah chawlh hahdam a duh vang a ni.

England and Wales Cricket Board (ECB) pawhin Root hi thla thara West Indies nen an inkhelh turah a telh lo a, ECB managing director Rob Key chuan chawlh hahdam a mamawh vang a nih thu a sawi.

Royals hian 2023 player lilamnaah nuai 100-in an la lut a, vawi khat chauh bat-in ball 15-ah 10 runs chauh a siam. Royals director of cricket Kumar Sangakkara chuan, "A thutlukna kan zahsak a, duhsakna kan hlan," tiin a sawi.

Kum 2024 Indian Premier League atana player auction hi December 19, Thawhlehni hian neih a ni dawn. Dubai, UAE-a lilamna hi Star Sports leh JioCinemna-ah pekchhuah a ni dawn a, sum chevel a tam dawn avangin ngaihven a hlawh khawp ang.