ISL-ah FC Goa an kal zel

FC Goa-in ISL match ruk an khelh tawhah tlawm an la nei lo - Thawhṭanni zan khan Jamshedpur FC chu 1-0 in an hneh a, table chung ber an luah chhunzawm. Kerala Blasters nen point 16 ve ve an nei a, mahse, match khatin an khel tlem zawk.

Goa khelmuala inkhelah mualneitu team hian awlsam tak erawhin goal an khung bik lo - vanneihna an mamawh. Hun tawp nan minute riat chiah a awm tawh tihah Victor Rodriguez chuan inkhela goal awmchhun a khung a, 1-0 in Goa an chak.

Jamshedpur erawh an tlawm avangin table mawng lamah an awm chhunzawm zel a, match sarih an khelh tawhah vawi khat chiah la chakin, vawi li an tlawm ta a, vawi hnih an khingpui an inhnehtawkpui.

Men of Steel tan Goa lakah PC Laldinpuia chuan inkhel bul a ṭan a, Mizoram player dang inlan an awm lo.