MBBA Cup 2023 A tawpah TBL leh BCA

Mizoram Basketball Association (MBBA) buatsaih, tualchhung basketball inelna MBBA Cup 2023 chu nizan khan a hmawr bawk a ni. Mipa inelna lamah Khatla TBL leh Zarkawt BCA ten nomawi an inchuh a, inkhel result kan hre hman lo.

Thawhṭanni zan khan Hawla Indoor Stadium, Republic Vengthlangah semifinal khelh niin - Aizawl khawpui pawn team ṭha Champhai chu Khatla TBL lakah 73-79 in an vanduai a, inkhel pakhat zawkah Bungkawn LB Associates pawh BCA lakah 99-78 in an chak lo bawk.

MBBA Cup-ah hian mipa bakah hmeichhe inelna pawh buatsaih a ni a, league round an khelh kual hnuah Bungkawn LB Associates leh Zonuam HOAS te chuan nomawi an inchuh bawk a ni.