MBBA Cup hmeichhe champion Bungkawn LB Associates

MBBA Cup 2023 hmeichhe inelnaah Bungkawn LB Associates an champion. November 28, Thawhlehni zan khan Hawla Indoor Stadium-ah final hi khelh a ni a, Bungkawn LB Associates hian Zonuam House of A&S chu 49-44 in an hneh.

Hmeichhe inelnaah hian team panga Team Alpha, Bungkawn LB Associates, Zonuam House of A&S, Durtlang Mohicans leh Bungkawn Vengthar SC te an inel a, vawi khat ṭheuh an inkhelh kual hnuah a sang pahnih hi final an khel. LB Associates hian league round-ah pawh Zonuam HoAS hi 53-45 in an hneh tawh a, team ṭha ber an champion-ah a ngaih theih.