Mizo lifter hlawhtling hmuak

National Powerlifting Bench Press Competition neih zawh taka Mizoram aiawha feh chhuak hlawhtlingte chu Thawhlehni khan Mizoram Powerlifting Association chuan Lengpui Airport-ah an lo hmuak a, Mizoram aiawha feh chhuak lifter-te hian gold pahnih leh silver pakhat an lo hawn.

Anand Rao Circle, Bangalore-a neih inelnaah hian Kelsih tlangval Lalhriatrenga chuan 120+kgs-ah gold medal chawi chhuakin, Durtlang tlangval Lalhlimpuia chuan 83kgs-ah gold a chawi chhuak ve bawk - Hlimpuia hian lifter zawng zawng zinga an body weight leh an rit chawi zat chhuta a chawi rit ber lawmman pathumna a dawng bawk.

November 22-26 inkara neih inelnaah hian Republic Vengthlang tlangval David Lallawmkima chuan 120kgs-ah silver a hlawh chhuak ve bawk a ni.