Vawiinah Table Tennis Championship ṭan dawn

Mizoram Winter Ranking Table Tennis Championship chu vawiinah khelh ṭan a ni dawn a, Mizoram Table Tennis Hall, Kawltheihuan, Mission Vengah inelna hi neih tur a ni ang.

December 2 thlenga neih tur inelnaah hian category 18-ah inel tur a ni dawn a, Aizawl North leh South huam chhunga TT Club-te bakah Mizoram District hrang hrang aṭangin Table Tennis ngainatute an fuan khawm dawn a, Mizoram table tennis player ṭha ber berte an inlan thei dawn.

Mizoram table tennis inelna lian hi a ṭum khat nan Mizoram Table Tennis Association (MTTA) ruahmanna hnuaia Aizawl North TT Association leh Aizawl South TT Association te chuan an buaipui dawn - Aizawl District hi Aizawl North leh Aizawl South-ah ṭhen a ni.