Giannis hoin Bucks-in quarterfinal khel dawn

NBA In-Season Tournament quarterfinal khel tur a chiang ta a, team pariat zingah Giannis Antetokounmpo telna Milwaukee Bucks pawh an tel. Bucks hian nimin zing khan Miami Heat chu 131-124 in an hneh a, quarterfinal khel tur zingah an inhlangkai.

Tun season aṭangin NBA In-Season Tournament hi ṭan a ni a, regular season kal lai meka che ṭha pariatin an khel dawn. Inelna hi knockout a ni dawn a, quarterfinal leh semifinal hi regular season-a a match pangngai anga chhiar tel tur a ni ang.

Quarerfinal khel turte chu Boston Celtics, Indiana Pacers, New Orleans Pelicans, Sacramento Kings, New York Knicks, Milwaukee Bucks, Phoenix Suns leh Los Angeles Lakers te an ni.