Emery hnuaia harhtharna chang Villa

Aston Villa chuan zanin dar 1:30 hian UEFA Europa Conference League-ah Legia Warsaw an mikhual dawn. English club hi Unai Emery hnuaiah harhtharna an chang a, Conference League-ah knockout stage lut turin an dinhmun a ṭha a, Premier League lamah match 13 aṭanga point 28 hmuin palinaah an awm pha hial.

English club leh Polish club te hian point kua ve ve an hmu tawh a, amaherawhchu Emery hote hian khualmualah Legia Warsaw hi 3-2 a an hneh loh avangin pahnihnaah an awm mek. Conference League-ah hian group-a pakhatna nih hi a pawimawh a, last 16 an lut nghal. Pahnihna erawh Europa League aṭanga tla thla nen last 16 lut turin playoff an khelh a ngai a, chuvangin Emery hote tan playoff pumpelh nan Legia Warsaw hneh hi a pawimawh takzet.