Neuer-a'n contract a pawtsei

Bayern Munich leh Germany goalkeeper Manuel Neuer-a'n inkhelh chawlhsan a la tum lo a, Bundesliga champion tan kum 2025 thleng contract a pawtsei.

Kum 37 mi Neuer hi nikum khan vur tawlhnaah a chesual a, thla 10 chhung a chawlh hnuin kumin October thla khan a rawn kir. Bayern captain chuan, "Bayern tana kum khat dang contract ka pawtsei hi ka lawm. Hun rei tak ka inhliam hnuin ka theihna angin ka khel leh thei tawh e," tiin a sawi.

Neuer hian German club tan league nomawi 11 zet a chawi tawh a, a awm loh laia mawhphurhna chelhtu second-choice keeper Sven Ulreich pawh kum 2025 thleng daih contract an ziahpui bawk.