Union Berlin beiseina Europa

Nilaini zan Champions League inkhelah Sporting Braga leh Union Berlin-te 1-1 in an inhnehtawk a, team pahnihin beisei tur an la nei ve ve - Braga tan match tawp bera goal khat aia tama Napoli hneh chuan last 16 luhna chance a la awm a, Union Berlin beisei erawh Europa League a ni thung.

Union hian Robin Gosens hmangin goal hmahruai an khung a, hemi hma hian Braga defender Sikou Niakate chu hnawhchhuah a ni - yellow card pek ni zet mah se video assistant referee rawn a nih hnuah red card pek a ni ta zawk a, player pakhata hnufual chungin Braga hian si an phur.

Mahse, Portuguese club an zam duh lo - Álvaro Djaló chuan minute 51-naah si phurh a sut a, hun tawp thlenga goal dang lut tawh loin point an insem. Chak zawk awm loin an inṭhen a, beisei an la nei ve ve.

Braga-in Champions League last 16 an la beisei a, Berlin erawh hmabak a hautak zual hret. Europa League tal khelh chhunzawm turin an match tawp bera Real Madrid an hneh a, Braga-in Napoli an hneh loh bawk a ngai ang.