Liverpool an chak chiang

Europa League-ah Liverpool-in round of 16 lut turin harsatna an tawk lo a, Ningani zan khan LASK chu 4-0 a hnehin a thiam 16 zingah an hming an ziak kai - match khat khelh tur la awm mah se Reds hi group E-ah hmahruaitu an ni chiang tawh.

Anfield-a inkhelah Liverpool tan Luis Diaz chuan minute 12-na lekah goal hmahruai a khung a, Cody Gakpo chuan goal hnih khungin, Mohamed Salah chuan penalty aṭangin a khung ve bawk.

Liverpool hian minute 15 chhungin goal hnih an khung a, mahse, LASK an nawr na viau chungin goal dang an khung lawk thei lo - minute 51-naah Gakpo-a'n penalty a hlawh chhuak a, Salah chuan goal-ah a chantir.

Reds-in goal thum an khung hi chuan chak tur a chiang tawh a, hun pek belhah Gakpo chuan khung belhin, nuamsa takin Liverpool an chak.

Reds manager Jurgen Klopp chuan, "Result duhawm pahnih kan tan a thleng," a ti a, group E inkhel danga Toulouse leh Union Saint-Gilloise te 0-0 a an lo inhnehtawk bawk chuan an tan kawng a hawng tih a hai lo.

Klopp chuan sawi zawmin, "Chawlhlawk hma khan hahdama chak thei tawh tur kan ni hial a, an beiseina tihtawp hunah kan duh angin kan ti lo. Mahse, chawlhlawk zawha kan goal thumna khan min pui takzet. Goal chhuah loh kan tum a, kan tihlawhtling - result ṭha tak a ni a, kan khel ṭha hle bawk," a ti.

Liverpool hian Pathianni zan dar 7:30-ah Premier League match khel turin Fulham an mikhual zui dawn a, goalkeeper Alisson a inhliam avangin Caoimhin Kelleher chuan si ban a nghah zui a ngai dawn - champion tum Reds tana a theihna a pholan hun a ni.

Alisson hi kar hnih vel tal chu chawl tura ngaih a ni a, Diogo Jota chu hliam vangin a chawl bawk. Portuguese forward chawlh chen tur chiang lo mah se Klopp chuan Alisson aia a rei tur thu a sawi a, thla khat vel tal chu a chawl dawn niin a lang.