Bayern-in dam lam an pan

Tun hnaiah hliam vangin Bayern Munich talbuai ve deuh mah se, coach Thomas Tuchel chuan an dam ṭan tawh thu sawiin, "Tunah chuan kan training ground pawh a khat ṭha leh viau tawh e," a ti.

Bayern hian Eric Maxim Choupo-Moting (khup), Kim Min-jae(khel), Jamal Musiala (malpui) leh Matthijs de Ligt (khup) te chu player langsar zingah hliam vangin an chhawr thei lo a, tun hnaiah Noussair Mazraoui a dam lo bawk.

Mahse, German club enkawltu Thomas Tuchel chuan, "Choupo-Moting hi training turin a dam leh tawh a, Musiala pawh a lo kir thuai ang. Min-jae a inkhel leh thei tawh dawn a, Mazraoui pawhin dam lam a pan e," a ti.

Hetihrual hian Musiala tan inlan nghal a harsat tur thu sawiin, "A inlan pawhin rei lotê chauh a ni ang," a ti a, zanin dar 8:00-ah Union Berlin chu Bundesliga-ah an mikhual ang.

Bayern hi league-ah pahnihna an ni mek a, hmahruaitu Bayer Leverkusen chu match 12 ve ve khelh tawhah point hnihin an phak lo mek.