Mizoram an chak zawn

India ram pum huap inelna 73rd Senior National Basketball Championship khelh laiah, nimin khan Mizoram chuan an match pahnihna khelin Meghalaya chu 82-60 in an hneh a, match an khelh tawhah an chak ve ve.

Inelna hi Ludhiana-ah neih niin, Mizoram aiawh hian Mizoram Super League (MSL) champion lai Khatla TBL an fehchhuak a, an match hmasa zawkah West Bengal chu 66-62 in an lo hneh tawh bawk.

Mizoram hian an match pathumna atan vawiin chawhma dar 8:15 hian Haryana an tum leh dawn a, chumi hnua an group match dangah Andaman leh Goa te nen an inkhel leh ang.

Nakkumah chuan National Games hi Uttarakhand-ah khelh a ni dawn a, Mizoramin National Games-a basketball team tir tur chuan tun ṭum inelnaah team 34 zingah a sang pariat zingah tel a ngai dawn a ni.