Arsenal tan dinhmun sawhnghehna hun

Kar laihawlah Premier League khelh a ni dawn a, zanin dar 1:45 hian Kenilworth Road-ah Arsenal-in Premier League kai thar Luton Town an tlawh ang. Club pahnih hi December 1991 hnua an intawn lehna hmasa ber tur a ni dawn a, Hatters hian Gunners lakah record nei ṭha mah se an intawnna hi a rei tawh deuh avangin awmzia a awm pha tawh lo.

Arsenal hian Luton an hmachhawnna hnuhnung 10-ah chak an nei lo a, vawi ruk inhnehtawkin vawi li an chak lo. Mahse, tun dinhmunah chuan Gunners hi Premier League hmahruaitu an ni a, Luton laka point thum hlawhchhuah hi table chung bera dinhmun sawhngheh nan a pawimawh.

Mikel Arteta hote Newcastle Laka an tlawm hnuah match nga an chak zawn leh tawh a; Martin Odegaard, Bukayo Saka, Gabriel Martinelli leh Gabriel Jesus te an theihna anga an khel chhuak a nih ngat chuan Luton lakah point thum chu an hmu ngei ang.