Australia lakah India an chungnung

India-in Pathianni zan khan T20-ah Australia chu run rukin an hneh a, 4-1 in an series an la. M. Chinnaswamy Stadium, Bangalore-a inkhelah India-in bat hmasain 160/8 runs an siam a, Australia-in 154/8 runs chauhin an chhanglet.

T20 khel thiam bik Suryakumar Yadav-a'n match tawp berah run nga chauh siam mah se a captain-na hnuaiah 4-1 ngawta Australia laka series an lak avangin a tan hun duhawm a ni. Pathianni zan inkhelah Axar Patel bawk a che ṭha a, 31 runs a siam bakah wicket khat lain 14 runs chauh pein man of the match-ah an thlang.

Player of the series-ah Ravi Bishnoi thlan a ni a, match nga khelh aṭangin wicket kua a la. Kum 23 mi Bishnoi hi T20-ah ram tan vawi 10 inlan tawh mah se ODI-ah erawh vawi khat chauh an la inlan a, tun ṭuma a chet ṭhat avang hian India tan match tam zawk a khelh phah ngei a rinawm.