Goa-in table chung ber an luah

5th December, 2023

Pathianni zan Indian Super League inkhelah FC Goa chuan 1-0 in Kerala Blasters an hneh a, ISL table chung berah an awm leh ta - Rowllin Borges chuan inkhela goal awmchhun a khung a, Blasters lamin a chhanletna tur an nei lo.

Goa hian match sarih an khelh aṭanga point 19 neiin hma an hruai a, an hnuai chiahah Blasters awmin, point hnihin Goa an phak lo. Hetihrual hian Goa hian match hnihin an khel tlem zawk tih hriat a ṭha.

FC Goa tan Ayush Chhetri chu bench aṭanga luhtir a ni - nizan khan East Bengal leh NorthEast United inkhelin, result kan hre hman lo a, zaninah ISL inkhel a awm lo ang.