Donnarumma hnawhchhuah niah PSG chak

Inkhel ṭan aṭanga minute 10-na lekah goalkeeper Gianluigi Donnarumma hnawhchhuah a ni a, player kim lo leh tlem zawk ni mah se Paris Saint Germain chuan an mikhualna ramah Le Havre 2-0 in an hneh.

Ligue 1 champion tan hian Kylian Mbappe leh Vitinha ten goal khat ve ve an khung, player tam zawk leh mualneitu Le Havre lamin a chhanletna tur an nei lo. Ligue 1 champion laiin point thum hlawh chhuakin league hmahruaitu an nihna an sawhnghet.

Italy international Donnarumma hian box pawnah Josue Casimir a titlu a, hei vang hian hnawhchhuah a ni. PSG manager Luis Enrique chuan, "Ka naute rilru puthmang khan min tilawm hle, chawpchilh taka inkhelh hun tihdanglam a ngai chunga an insiamrem thei khan min tilawm," tiin a sawi.

PSG hian league match 14 khelh aṭanga point 33 hmuin table chung berah an awm a, anmahni hnaih bertu Nice chuan point 29 an hmu thung.