Atletico veltu an player Félix!

Pathianni zan La Liga inkhel ngaihven hlawhah Barcelona-in 1-0 in Atletico Madrid an hneh a, Catalan club tana goal awmchhun khungtu hi Atletico aṭanga loan hmanga an hawh Joao Felix a ni!

Minute 28-naah Felix hian inkhela goal awmchhun hi a khung a, angle chep tak karah Atletico keeper Jan Oblak chu mawi zetin a pet khum - a goal khung hi a lawm!

Atletico tan Barcelona player hlui Memphis Depay chuan a club hlui lakah chance duhawm a nei ve a, mahse, Barca keeper Inaki Pena chuan a freekick pet ṭha tak chu dansakin goal frame a per.

Barcelona tan Robert Lewandowski chuan chance duhawm nei ve leh mah se, a hun ṭha neih hi goal-ah a chantir thei lo a, mahse, Atletico duh loh khan a club hlui lakah goal a khung miau avangin Barca chak nan a tawk.

Catalan club hi table-ah pathumna an ni a, point liin hmahruaitu Real an phak lo mek - palinaah Atletico an awm a, Barca hi point thumin phak lo zui mah se, match khatin an khel tlem thung.