I League hmahruaitu Mohammedan SC

Mohammedan SC chuan Pathianni khan an elpui Sreenidi Deccan chu 2-1 in an hneh. Kolkata club hian point thum hlu tak an hlawhchhuah avangin I League hmahruaitu an ni a, pahnihna Sreenidi aiin point thumin an hmu tam zawk.

Naihati Stadium-a inkhelah Mohammedan tan Mizo player pathum Vanlalzuidika Chhakchhuak, Zodingliana Ralte leh Lalremsanga Fanai ten bul an ṭan a, bench aṭangin Samuel Lalmuanpuia a lut ve bawk. Hyderabad club lamah pawh Mizo pathum an inlan a, Lalromawia'n bul ṭanin bench aṭangin B. Lalnuntluanga leh R. Lalbiakliana te an inlan.