East Bengal-in NorthEast United an sawp

Thawhṭanni zan Indian Super League inkhelah beisei loh result a thleng a, East Bengal chuan table lama an chunga awm NorthEast United mikhualin, 5-0 ngawtin an sawp.

Kolkata club tan hian Cleiton Silva leh Nandhakumar Sekar te chuan goal hnih ve ve an khung a, Borja Herrera chuan goal khat a thawh bawk - hun tawp thlengin goal dang a lut tawh lo a, 5-0 in Kolkata club an chak.

East Bengal tan tlarhnungah Lalchung-nunga'n inkhel bul a ṭan a, India international hi ṭum dang ang thoin a ding khawng hle - Mizo player dang inlan an awm lo.

Nizanah ISL inkhel a awm lo a, zanin dar 8:00-ah Mohun Bagan chuan AFC Cup lama an hneh loh hlim, Mizo pakua awmna Odisha FC an mikhual ang.