Manchester United-in rawlthar player an ngaihthah lo ang - Giggs

Ryan Giggs chuan Manchester United-in manager tupawh hrawn se rawlthar player an ngaih-thah loh tur thu a sawi.

United hi tun season-ah Champions League aṭanga an tlak hnuah Europa League aṭangin an hmelma Liverpool-in an petchhuak leh tawh a, league-ah parukna dinhmun luahin season thara Champions League khel thei lo dinhmunah an ding. Result ṭhat tawk loh avangin season tharah Louis van Gaal-a thlak turin manager-ah Jose Mourinho an la lut dawn niin sawi a awm.

Reds Devils tana assis-tant manager chelh mektu Giggs chuan, "Khaw-vel hmun hrang hrang aṭangin world class player kan la lut thei a, mah se Old Trafford mawi tur hian kan chherchhuah ngei hi kan duh. Hei hi club kalphung a ni a, team dang nena kan danglamna a ni," tiin academy an ngaih pawimawh thu a sawi.

Kum 42-a upa Giggs chuan, "Academy player-te khelhna chance hi Sir Matt Busby hunlai
aṭanga inṭan tawh a ni a, chuvangin kan ngaihlu em em a ni," tiin a sawi.

United manager ṭang-lai Louis van Gaal chuan academy player 14 zet Red Devils tana khelhna hun a lo siamsak tawh a, chung zinga langsar zual chu Jesse Lingard, Andreas Pereira, Paddy McNair leh Marcus Rashford te an ni.