Zanin Ryders hun tawp?

Chaltlang Ryders hian zanin dar 8:00-ah Zarkawt BCA lakah hnehna an chang zo lo a nih chuan Mizoram Super League aṭangin an relegate ang.

Hawla Indoor Sta-dium, Repubic Veng-thlangah March 21 zan khan Rele-gation Playoff game 1 khelh a lo ni tawh a, BCA hian 63-58 in hnehna an chang. Ryders hian hnehna an chang let ve leh thei a nih chuan April 6 zan khian game 3 khelh a ngai ang.

Chaltlang Ryders chiah hi MSL2-a chak nei lo awmchhun a ni a, an khingpui Zarkawt BCA hian Ryders chiah hneh an nei. Inkhel pawimawh a nih avangin a hmuhnawm turah a ngaih theih a, game 1 aṭanga thlir chuan a entlak hranpa lo ang.

Beiseina

Chaltlang Ryders hian season hmasa khan match 10 an khelh aṭangin Zarkawt Serpents chiah hneh an nei a, tun season-ah match ruk khel leh tawhin chak ni hmel an la hmu miah lo.

Mahse, Ryders hi an vannei tawk lo a, MSL2-ah Khatla TBL (92-83), Serpents (74-79), Tuikual South (62-66) leh Mission Veng Vikings (79-83) an hneh loh tawhna te thlir hi chuan point score chu an harsat lo tih a lang a, defending erawh insiam
ṭhat a ngai thung.

Ryders hian league match tawp rualin an coach an ban a, playoff hmasa berah an la insiamṭha lo. Hun rei zawk hma an hruai hnuah BCA hi an inlehthaltir a, chak châkna an nei tawk lo.

BCA an zuih

MSL1-ah Zarkawt BCA hian Khatla TBL chiah tluk loh neiin pa-hnihna dinhmun an luah a. Nikum kumtawp lam khan Marova Memorial Basketball Tournament-ah TBL hnehin champion nomawi an chawi. MSL2 atan tualchhung player hlang hmangin champion theih an in beisei a, mah se an elpui team dangte an inlak ṭhat bakah an inbuatsaihna a ṭhat zawk avangin an tluk lo.

BCA hian MSL2 league round-ah TBL, Vikings, Tuikual South leh Serpents an hneh lo vek a, Ryders lak-ah chiah hnehna an chang. Chutihrualin BCA hi chhe ta vek an ni hran lo - Michael F. Lalawmpuia, Jackson Lalrintluanga, Matthew Remtluanga Sailo leh Henry Lalramngaihawma te hi an chet ṭhat ṭuma team chakpui thei vek an ni.