Dortmund-ah Aubameyang a hlim

Europe-a striker hlauh-awm ber pawl ni mek Pierre-Emerick Auba-meyang chuan tun hnai maiah chuan Borussia Dortmund chhuahsan tum-na a neih loh thu a sawi.

Aubameyang hian tun season-ah Dortmund tan inelna hrang hrangah match 40 khelin goal 35 a khung tawh a, tun hnaiah Real Madrid tana khelh a chak thu a sawi avangin Santiago Bernabeu lam pan tur anga sawi thawm a ring hle.

Signal Iduna Park-a July, 2020 thleng cham tura contract nei striker chuan, "Dortmund hi football atchilhna khaw-pui a ni a, season hmasa khan Europe-a chawhruala inkhel entu nei hnem ber kan ni bawk. Khawpui nuam tak a ni a, ka chhungte pawhin Dortmund hi an in ang maiin an ngai a ni," a ti.

Gabon international chuan sawi chhunzawmin, "Real Madrid-te ang club ropui tana khelh ka chak thu hi zep buai ngaiin ka hre hran lo. Hetihrual hian 2020 thleng cham turin Dortmund-ah hian chhan nei loin contract ka ziak lo," tiin Signal Iduna Park-ah a contract hman zawh a tum thu a sawi.