Mumbai City defender thar Sena

I League boruak san vanglaiin Indian Super League lam pawhin thawm an nei ve reng a, Mumbai City chuan sea-son thar atan Mizo tlangval Lalhmangaihsanga Ralte an la lut.

North Mualcheng tlang-val Sena hian I League-ah DSK Shiva-jians tan a khel mek a, season hmasa ISL-ah khan Chennaiyin FC tan lo inlan tawh bawk.

Mumbai City hian Sena an lakluh rual hian Aiborlang Khongjee leh Udanta Singh an la lut bawk. Khasi defender Aiborlang hian season hnih chhung chu ISL-ah NorthEast United tan khelin I League-ah Shillong Lajong tan a inlan mek.

Udanta Singh hian tun season I League-ah Be-ngaluru FC tan a khel mek a, Bangalore club tana a chet ṭhat em avang hian India leh Iran an inhmachhawn ṭumin India tana a match hmasa ber a lo khel tawh.

Ranbir Kapoor-a club hian Sena, Aiborlang leh Udanta an lakluh hma hian Sunil Chhetri, Pronay Halder, Ashutosh Mehta leh Mizo tlangval Lalchuanmawia Fanai-te chu season thar atan con-tract an lo ziahpui tawh bawk.