Mourinho-a'n min ring tawk lo - Mikel

Chelsea mid-fielder John Obi Mikel chuan Blues manager kal chhuak ta Jose Mourinho khan a chungah rinna a nghah ngai loh thu a sawi.

Nigeria inter-national hian Mou-rinho-a'n Chel-sea a enkawl chhung khan tun season-ah match nga chiah a in-lan hman a, Guus Hiddink-a hnuaiah an player pawimawh pawl a ni thung.

Kum 28-a upa mid-fielder chuan, "Player tana pawimawh ber chu inrintawkna a ni a, i manager berin a rin loh che chuan i tan hlawh-tlin a harsa a ni," tiin Mourinho-a'n a rin loh miau avangin ṭha taka a khelh theih loh thu a sawi.

Mikel chuan sawi chhunzawmin, "Ṭha taka ka khelh pawh hian ka tih dik loh hi Mourinho khan a zawng reng mai niin ka hria. Tun hmaa min rin ang khan min ring tawh lo a, duh dan dang a nei tawh ni berin a lang. Mahse, hei hi chu football ken tel ve reng a ni," tiin Mourinho a dem pumhlum duh lo.