Indian Open-ah Saina leh Saina

India Open Super Series chu vawiin aṭang hian Siri Fort Complex, Delhi-ah Qualifying khelh ṭan a ni dawn a, Pathianni khian final khelh tura ruahman a ni.

Kuminah Indian shuttler ten hlawhtlinna lian tham an la chang lo a, India Open-ah erawh mipa leh hmeichhe cham-pion lai Kidambi Srikanth leh Saina Nehwal te chu an nomawi humhim tura beisei an ni.

Olympic bronze me--dal-list Saina hian hliam vangin kum tirah tournament ṭhenkhat a khel thei lo a, All England leh Swiss Open-ah te final lut zo loin semifinal-ah a tla ve ve. August thla a neih tur Rio Olympic-a cheṭha tur chuan tun hi insiamṭhatna hun chu a ni ang.

Mipa lamah Srikanth hi tun dinhmunah chuan India chhunvawr ber a ni mek a, January thla khan Syed Modi Grand Prix Gold-ah hlawhtlinna a chang. Mahse world number 10 Srikanth hi thla hmasa khan All England leh German Open-ah te second round leh third round bak a thleng zo lo.

Kum 23-a upa Sri-kanth chuan,"Syed Modi-ah ka champion bakah Malaysia Masters-ah khan semifinal ka thleng thei a, ka khelh danah hian ka lawm tawk. Ka title humhim turin ka inringtawk hle," a ti.