Vawiin aṭangin Grassroots Admission tih theih

AIFF leh MFA ṭang-kawpin an kalpui mek Grassroots Football Programme Batch 11-na chu April thla hian ṭan a ni leh dawn.

Grassroots Prog-ram-me tel duh, kum 2004 leh a hnu lama piang, mipa leh hmeichhia tan MFA Office, City Park, Aizawlah April 8 thleng admission tih theih a ni dawn a, a kal hmasa duhsak a ni ang.

MFA leh UD&PA hnuaia Swachh Bharat Mission chuan thawhhona neiin, Grassroots Football Training-na hmanrua lei a ni a, naupangin a thlawnin jersey an dawng bawk.

Swachh Bharat Mis-sion nena thawh-ho-na-ah hian Grassroots nau-pangte chuan Aizawl FC leh East Bengal ten I-League Match, Rajiv Gandhi Stadium-a an khelhah khan hmun tihfai hnatlang an nei a ni.

Grassroots Football Programme hi Mizoram hmun hrang hrangah kalpui mek a ni a, trainers training pawh a rang lama neih leh tura ruahmanna kalpui mek a ni bawk.

Hmeichhia leh mipa naupang kum 12 hnuailam tana football khelh dan zirna hi kum 2012 December aṭang khan kalpui ṭan a ni a, kum 2013 khan Mizoram Grassroots Football chuan AIFF aṭangin Best Grassroots Development Programme chawimawina a lo dawng tawh bawk a ni.