Singapore nena sawi zawm Westwood

Bengaluru coach Ashley Westwood chu Singapore national team nen an sawi zawm. Kum 39-a upa coach hian Bengaluru chu kum 2014 khan I League-ah champion puiin 2015 Federation Cup nomawi a chawipui bawk a, Singapore enkawl tur anga sawi a ni hi a mak lo.

Blackburn Rovers assistant manager hlui hi Singapore bakah India national team leh Australia-a league sang ber A League club Newcastle Jets nen sawi zawm an ni bawk. Hetihlai hian Bengaluru chuan an manager hi kum li dang cham turin contract an zawrh ve mek bawk a, Premier League-a Bradford City tan pawha lo khel tawh manager hian a hmalam hun a sawi chiang duh lo thung.