Andy Murray-a'n Dimitrov hneh lo

Andy Murray chu Gri-gor Dimitrov hneh lo-in Miami Open third round aṭangin a tla. Bri-tain number 1 hian nimin khan Grigor Dimitrov chu 6-7, 6-4, 6-3 in a hneh lo a ni.

Kum 28-a upa Murray hi chak zawk tura ngaih a ni hman a, set hnuhnung berah hian 3-1 in hma a hruai fal tawh. Mahse Bulgarian Dimitrov hian game hnuhung panga la zawnin a lehthal chiang hle.

World number 2 Mur-ray hian Dimitrov lak-ah hian a khelh ṭhat ber ni a tawng lo a, unforced errors vawi 55 zet a nei a, tunah chuan French Open inpuahchah turin Clay Court Toutnament lam a hawi a ṭul tawh ang.

A khelh ṭhat loh thu sawiin Murray chuan, "Grigor khan chak phu zawk khawpin a khel ṭha. Mahse, ka service vawi thum ngawt a zawna ka hloh avangin a lungngaihthlak hle. Insiam rem turin hun
ṭha nei mah ila ka thei ngang si lo," tiin a sawi.

Miami Open-ah hian player langsar dang Rafael Nadal chu dam lohna vangin second round an khelh laiin a lo khel tluan thei lo tawh a, a khup an zai hnua a vawi khat nan Roger Federer chu inlan tum mah se hun tepter tawh takah a inhnukdawk leh a ni.